Автодромот во Алгарве или познат како Патека Портимао е долга 4.692 км (2.915 милји) а патеката е лоцирана во Портимао, Португалија. Со вкупен трошок од €195 милиони (приближно $250 милиони долари), а проектот вклучува и патека за картинг, технолошки парк за истражувања, хотел со пет звезди, спортски комплекс и апартмани. На 4ти Април, 2009 година Макс Мозли изјави дека според квалитетот на патеката може да се интегрира во Формула 1 Шампионатот, под капата на Португалското Гран При, се додека се направи комерцијален договор со менаџментот на Формула 1. Во Октомври 2010 година екипите се договорија да ја стават патеката во Портимао во Формула 1 календарот за тестирање заедно со патеката во Бахреин. Патеката е блиска во изглед со стариот Нирбургринг и Спа Франкошамп заради постојаната промена на теренот и окружувањето на патеката. А1 екипата на Португалија и нивниот возач Филип Албукерк направо обзервација на патеката, во која има голем спуст и неколку десни свијоци по главниот правец. Тој исто така коментираше е добра за престигнување заради тоа што патеката е прилично широка. А1 Екипата од Нов Зеланд и нивниот возач Ерл Бамбер изјави дека има неколку посебни свијоци на патеката кои си имаат засебна тактика за секој од нив. Тој исто така изјави и дека патеката е по малку и опасна во смисол како старите тркачки патеки односно старата школа каде има свијоци кои се минуваат со максимална брзина зошто самите се изведени како еден огромен ролеркостер.А1 Екипата на Франција и нивниот возач Николас Прост коментираше дека асфалтот е нов и дека патеката има многу мал грип.