Лоцирана околу 30км јужно од Фиренца во ридовите на Кианти регионот, оваа патека нуди една од најсложените сетирања на болидите и воопшто на сите сетирања. Тркањето тука е забележано уште во далечната 1920та година, кога Масерати и Ферари водеа битка на 40 миљи долгата патека направена од јавни патишта. Затворената патека денес, го започна животот и кариерата во 1970та година, супер патека, која се простира на три Тоскански ридови. Беше домакин на првата МотоГП трка во 1976та година и континуирано тоа се случува до денес. Патеката постојано се надоградува со безбедносни надградби , со доста место на незгодните свијоци, а исто така и со сервисна патека покрај главната патека по цела нејзина должина. Тука доста се инвестира бидејки и самата стаза служи често како подлога за тестирања на големи автомобилски компании, посебно на компаниите кои учествуваат во мото и авто трките. Освен Ферари , патеката како што кажавме често ја користат и тестираат тимовите од МотоГП и Светскиот СуперБајк Шампионат, а исто така и светски познати брендови од авто мото индустријата. Мугело никогаш не бил домакин на Ф1 Гран При , но била домакин на Ф2 трки , а исто така и на трки од Интернационалниот Туринг Шампионат.