Оваа патека е лоцирана во пустината надвор од границите на главниот град на Бахреин, Манама. Изградена е во 2004та година, и е една од најмодерните патеки во Ф1 календарот, со архитектура која комплетно ја рефлектира Арапската култура и поднебје. Конструкцијата и изградбата на патеката е подржана од Принцот и Круната, кој е голем ентузијаст во мото спортовите и е хонорарен претседател на Мото Федерацијата на Бахреин. Патеката е проектирана од Херман Тилке, со трошоци за изградба на истата од околу 150 милиони долари.

Патеката беше домакин на првата Ф1 трка во 2004та година, каде доброто време беше на страната на брзите Ферари болиди .Шумахер беше недостижен во еден два победата на Ферари, а беше разлика на крајот со второпласираниот со над 30 секунди разлика. Во 2005га година трката беше втора од хетрик победите на идниот шампион во Ф1 таа сезона - Фернандо Алонсо.

Позиционирана на средина во пустината, патеката претставува проблем во Ф1 трките, со оглед на тоа песокот претставуваше проблем и на неколку други патеки , како Зандворт на пример кои беа исклучени од Ф1 календарот поради тоа. Но официјалните лица на патеката во Бахреин, најдоја решение за овој проблем, со тоа што го прскаат просторот и песокот околу цела патека со средство кое не дава да се шири песокот, односно да лета, баш во времето на одржување на трката.


Но сепак главен проблем на екипите е да овозможат тактика и да го средат така болидот , да не може фината и ситна прашина да навлезе во болидот и во деловите посебно на моторот. Тоа е посебно важно поради фактот дека Ф1 екипите мораат со еден мотор да извозат барем 2 трки. Песокот влијае доста и на самата патека, со тоа што многу го отежнува и тактичкиот дел за одбирањето на пневматиците. Проблем е и за возачите да ја научат патеката, тоа за нив е тешко поради фактот, дека патеката е сместена во пустина, па се околу неа е празно, па така да немаат многу ориентири за да знаат каде точно и на кој дел од патеката се наоѓаат. Тоа е посебно многу важно и битно во сегментот на неколкуте места каде треба појако кочење за да се совлада наредниот свијок.