Мото трките во Каталонија имаа корени уште во далечната 1900та година, каде што се одржуваше првата трка на Купот Каталуња, на 28км долгата патека која беше уредена да се вози низ јавни патишта. Во раните 1930те беше најавена Монжуис Парк патека , која требаше да е доста подобра од градската трка во Барселона. Монжуис Парк беше модернизирана во 1966 во обид да се привлече Ф1 циркусот од Јарама патеката близѕ Мадрид. Со оглед на тоа дека на патеката се одржале три успешни Формула 2 трки, направен е договор Монжуик да биде алтернативна патека за Шпанско Гран При, односно трката да се вози или на Јарама или алтернативата Монжуик. Оваа ситуација траеше до 1975 година, кога крајот на оваа патека го обележи трагичен настан, несрека во која болид излета од патеката која беше ептен сиромашно обезбедена, болидот влета во публиката, каде настрадаа четири гледачи. Ф1 трките нема да се вратат во регионот дури не е направена новата патека Каталуња, која беше готова во 1991 година, а Херез полека се губи, после несреката на Мартин Донели во 1990 година, за време трката таму. На првата трка на новата Патека Каталуња доминираше Менсел , каде однесе победа за Вилијамс, пред Ферарито на Ален Прост. Сигурносните стандарди и добрите погони на патеката, ја направија многу популарна во круговите на Ф1 екипите. Од тогаш патеката постана многу важна Ф1 патека за тестирање на болидите, а секако и како домашна Шпанска патека за Ф1 трките.